SURABAYAPAGI.com, Sidoarjo - Dinas Perindustrian dan Perdagangan (Disperindag) Sidoarjo bekerjasama karo Universitas Negeri Surabaya (Unesa) nduwe cara anyar gawe ngapikno pasar tradisional.
Yoiku mbentuk sekolah pasar, seng pesertane para pedagang pasar tradisional lan para pengelola pasar di bawah naungan Pemkab Sidoarjo.
"Onok 19 pasar nang Sidoarjo. Gawe pengelola pasar kabeh wes melok program iki. Sementara gawe pedagang, jek ket telu pasar nang tahap awal iki," jarene Kepala Disperindag Sidoarjo Fenny Apridswati, Kamis (27/12).
Program iki, jarene dee, bertujuan ben pasar tradisional bener-bener isok terpelihara, tertata, lan gak kalah karo pasar modern.
"Sekolah gawe pengelola pasar isok dilakoni nang ruangan, tapi lek pedagang kan angel. Mangkane, awak dewe nggae senyaman mungkin. Nang pasar, sak marine mereka dodolan," pungkasane.
Koyok seng wes dilakoni Pasar Sukodono, Gedangan karo Wonoayu. Puluhan pedagang melok sekolah pasar sekitar pukul 13.00 WIB sak marine mereka dodolan.
"Nang pasar-pasar liyo, engkok pelaksanaanne yo koyok iku," sambung Fenny. sry
