Surabaya Mlebu Nominasi Guangzhou International Award 2018

author surabayapagi.com

- Pewarta

Senin, 26 Nov 2018 09:57 WIB

Surabaya Mlebu Nominasi Guangzhou International Award 2018

SURABAYAPAGI.com, Surabaya - Tri Rismaharini, Wali Kota Surabaya saiki viral nang media sosial mergo videone njaluk dukungan karo warga Surabaya. Nang video iku Risma njaluk dukungan vote karo Surabaya seng wes mlebu dadi finalis ajang Guangzhou International Award for Urban Innovation 2018. "Ayo arek-arek Surabaya ngewangi Kota Surabaya carane vote kota Surabaya. Milih surabaya oleh siji akun isok bolak-balik, ben sak jam.Njaluk bantuan yo, njaluk dungo sisan ben aku isok berprestasi mergo ngadepi 400 juri gak gampang.Lan awak dewe wes ping papat daftar gak tau dadi finalis, saiki awak dewe mlebu dadi finalis ayo manfaatno gawe ngangkat Surabaya luwih apik. Matur suwun," isi videone Risma nang akun @aslisuroboyo. Surabaya dadi salah sijine kutha seng mlebu 15 finalis ajang internasional bergengsi. Nganti dino iki berdasarkan vote, Surabaya wes menduduki peringkat kelimo. Nang peringkat siji nganti papat, onok Kutha Yiwu teko China, Wuha teko China, Mezitli teko Turki, lan Sydney teko Australia. Sementera berturut-turut teko peringkat keenem nganti ke-15 onok Kutha Salvador (Brazil), Kazan (Rusia), Milan (Itali), Repentigny (Kanada), New York (USA), Durban (Afrika Selatan), Santa Ana (Costa Rica), Utrecth (Belanda), Santa Fe (Argentina), lan Guadalajara (Mexico). Nang akun iku tertulis cara ngevote Surabaya ben entuk penghargaan Guangzhou International Award for Urban Innovation 2018. 1. bitly/surabayamendunia 2. Vote Kota Surabaya 3. Vote dua kutha liyane - ketentuan vote milih 3 kutha (pilih dua kutha peringkat teko ngisor) 4. Lebokno kode captcha 5. Klik Submit 6. Ulangono ben sak jam sekali Surabaya dadi siji-sijine kutha nang Indonesia seng lolos dadi finalis Guangzhou International Award for Urban Innovation 2018. Koyok seng diomongno Risma, gak gampang gawe isok mlebu nang daftar finalis, mbasio wes ngajukno ping papat.

Editor : Redaksi

Tag :

BERITA TERBARU