Home / Suroboyoan : Gara-gara Pergaulan seng Keblabasan

Sidoarjo Geger: Bayi Dipendhem Urip-urip

author surabayapagi.com

- Pewarta

Rabu, 02 Jan 2019 23:29 WIB

Sidoarjo Geger: Bayi Dipendhem Urip-urip

SURABAYAPAGI.com, Sidoarjo - Sidoarjo mbari geger pasale onok bayi dipendhem urip-urip karo wong tuwane seng pergaulane keblabasen. RM (18), arek durung tamat SMK sekaligus seng dadi bapak bayi seng dipendhem iku, keciduk polisi pas arepe mindah mayit bayine neng pesarean Dusun Wagir Desa Kwangsan, Sedati Sidoarjo dino Minggu (30/12/2018). Ceritane, dua sejoli, RM karo LV adik kelas e (16) podo tresna siji lan liyane. Prasane dipikir karo mlaku, RM lan LV malah mlakune kebanteren, tresno ne kebablasen. Hubungan RM lan LV akhire dadi luwih parah. LV babaran 8 bulan dan wes siap-siap arepe ngelahirne. Mergo umure pasangan kuwi durung siap batin, LV njaluk tulung kancane seng inisiale A nyilih kamar gawe ngelairno anak e tekan hubungan seng keblabasen kuwi. Embuh setan menclok neng ndi lan piye menclok e, RM seng ga siap sak sembarange akhire nduwe pikiran gawe mendhem anake urip-urip. Dino Minggu jam nem sore, RM budal neng pesarean Dusun Wagir. Anak e seng jek tas lair sehat wal afiat karo RM langsung dipendhem urip-urip. Dino Selasa (1/1/2019), RM kepikiran lek seumpama onok warga seng ngambu jasad e bayine. Cah kuwi yo lagek kelingan yen kedhuk ane wedhi ne kurang jeru. Akhire, RM kepikiran gawe mindah jasade bayine neng lahan kosong cedhak Krematorium Desa Tambak Cemandi Sedati. Ancen wes takdire, pas RM ajange mindah jasad bayine, ndilalah polisi nyekel de e. Kapolsekta Sedati AKP I Gusti Made Merta seng nangani kasus e yo ngakoni yen bener onok berita bayi seng dipendhem urip-urip karo bapake. RM dewe saiki jek dijaluki keterangan. Jenasah anak e saiki wes digowo neng RSUD Sidoarjo.

Editor : Redaksi

Tag :

BERITA TERBARU