Porong Wes Dibuka Isuk Iki

author surabayapagi.com

- Pewarta

Senin, 21 Jan 2019 10:31 WIB

Porong Wes Dibuka Isuk Iki

SURABAYAPAGI.com, Sidoarjo - Kabar teranyar teko Jalan Raya Porong Sidoarjo, Senin (21/1). Banjir nang kono wes rodok surut lan dalane wes dibuka ket Senin (21/1) isuk sekitar pukul 09.00 WIB. "Ndelok kondisi dalan sing wes isok dilewati kendaraan. Soale banyune wes surut, jek ket dalane wes dibuka," jarene Kasat Lantas Polresta Sidoarjo Kompol Fahrian Saleh Siregar. Ancen nang sisi wetan dalan sek onok genangan. Tapi dalanan secara keseluruhan wes isok dilewati, pihake mutusno gawe mbukak maneh dalan penghubung Surabaya-Malang iki. Dalan iku ditutup total karo polisi ket Jumat (18/1) bengi wingi. Pas iku dalanan banjir lan akeh kendaraan mogok pas melintas teko kono. Teko sisi Lor dalan ditutup ket Bundaran Ketapang, sementara nang sisi Kidul ditutup nang pertigaan cidek Pusdik Gasum Porong. Kabeh kendaraan dialihno nang jalur Arteri. Sak marine dalan dibuka, kendaraan teko arah Surabaya utawa sebalike ketok wes madati jalur nang sebelah Tanggul Lumpur Sidoarjo iku. Mereka kudu alon-alon soale dalane jek lunyu. Sebagian ruas sek onok genangan banyune sisan, mbasio wes gak dukur. rk

Editor : Redaksi

Tag :

BERITA TERBARU